Starvsfólk svikað fyri 111 milliónir í Danmark

Stovnurin fyri almannamál í Danmark hevur meldað eitt starvsfólk, sum hevur misnýtt sína støðu sum álitisfólk og hevur framt fíggjarundandrátt fyri 111 milliónir krónur, til løgregluna.

Starvsfólkið hevur snýtt stovnin fyri almannamál, Socialstyrelsen tey kalla, árini 2002 til og við 2018.

Mai Mercado, sum er almannamálaráðharri í Danmark, sigur seg vera skelkaða av støðuni. 

Danska Bakmanspolitiið hevur eftirlýst starvsfólkið umvegis Interpol - talan er um eina altjóða eftirlýsing, tí kvinnan ikki er í Danmark.

Danski ríkisadvokaturin sigur við Danmarks Radio, at tey eru komin langt í kanningararbeiðinum og hava eina greiða mynd av, hvat ítøkiliga er hent og nær.

Tí er næsti leikur at handtaka kvinnuna, sum altso er undir illgruna fyri í 16 ár at hava flutt 111 milliónir krónur á sína egnu privatu konto.