Peter Krogh við móti Danmark

26.10.2018 - 15:57
ÍtrótturHondbóltur
Peter Krogh við móti Danmark
Peter Krogh, sum annars hevði meldað avboð til EM-undankappingardystirnar móti Montenegro og Danmark, er á veg til Danmarkar.
Mynd: Roysni.fo  
 

Seinnapartin í morgin spælir føroyska hondbóltslandsliðið hjá monnum EM-undankappingardyst ímóti Danmark í vesturjútska býnum, Skjern. Hesa ferð verður tað við stórskjúttanum, Peter Krogh, á liðnum.

Peter Krogh meldaði annars avboð til dystirnar, og hann var ikki við í føroyska hópinum, tá føroyingar leiktu javnt móti Montenegro mikukvøldið. 

Orsøkin var, at unnustan hjá Peter ikki hevði átt enn, og tí valdi Peter Krogh at vera heima. Men síðani er Peter Krogh vorðin pápi fyri aðru ferð, og hann legst tí afturat hópinum.

Peter Krogh er nú á veg til Danmarkar, og hann verður altso við, tá Føroyar í morgin klokkan 15 skulu spæla móti fyrrverandi Evropameistarunum og OL-vinnarunum úr Danmark. 

Sjónvarpið sendir dystin beinleiðis frá klokkan 14.55 í morgin.

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573
Sunnudag 26. juni
Andakt við Róland í Skorini
141518