Arbeiðarar í tveimum feløgum fara saman í eitt

Ætlanin er at leggja arbeiðarafeløgini í Gøtu og Leirvík saman í eitt felag fyri Eysturkommunu.

Fyrsta stigið var tikið í gjár, tá feløgini høvdu felags eykaaðalfund.

Næsta stigið er, at bæði feløgini hava limafund fyri at fáa meiriluta fyri samanleggingini.

Síðani verður felagsfundur til at leggja saman feløgini í eitt felag.

Formenninir í báðum feløgum siga, at limirnir vilja leggja feløgini saman. 

Í feløgunum báðum eru knappliga 400 limir.

Feløgini verða ikki tikin av, men løgd saman í eitt felag.