Seming hjá skiparunum útsett

Semingsroyndin millum Skipara- og Navigatørfelagið og Lønardeildina er útsett til fyrst í komandi viku. Tað sigur Terje Sigurðsson, semingsmaður.

Partarnir hittust í gjár, og avtalað varð at útseta semingsroyndina til fyrst í næstu viku. Enn er dagurin tó ikki ásettur.

Talan er um nýggja sáttmála millum Skipara- og Navigatørfelagið og Lønardeildina hjá Fíggjarmálaráðnum um nýggjan sáttmála fyri Strandferðsluna.