Eykaaðalfundir um samanlegging í Eysturkommunu

Arbeiðarafeløgini í Eysturkommunu, Gøtu arbeiðarafelag og Leirvíkar arbeiðarafelag, ætla at leggja saman.

Men limirnir skulu eisini spyrjast um tað, og bæði feløgini hava eykaaðalfund samstundis, 21.november kl.18.00.

Tá hesir fundir hava verið, er ætlanin at stovna nýggja felagið.

Fyrsta stigið var tikið 31.oktober, tá feløgini høvdu felags eykaaðalfund.

Formenninir í báðum feløgum siga, at limirnir vilja leggja feløgini saman. 

Ætlanin er tó at varðveita bæði feløgini, men tey verða løgd saman í eitt nýtt felag.

Í feløgunum báðum eru tilsamans knappliga 400 limir.