Hava latið markið uppaftur

Amerikanska løgreglan stongdi í gjárkvøldið marknaliðið millum Tijuana í Meksiko og San Diego í USA, eftir at fleiri hundrað tilflytarar royndu at fara um markið inn í USA.

Løgreglan svaraði aftur við táragassi.

Í nátt varð marknaliðið latið uppaftur, skrivar amerikanska marknaløgreglan á Twitter.

Í minsta lagi 500 fólk, teirra millum kvinnur og børn, gingu kravgongu í Tijuana í Meksiko, áðrenn tey settu kós móti móti markinum. 

Mekiskanska innanríkisráðið sigur, at umleið 500 tilflytarar verða vístir úr Meksiko, tí teir royndu at fara um markið.

Fleiri túsund tilflytarar, serliga úr miðamerikanskum londum, eru komnir til Tijuana, tí tey hava vónir um at sleppa inn í USA.