Grótið úr Eysturtunlinum ikki brúkt til veg

29.11.2018 - 10:57
AktueltTøkni
Grótið úr Eysturtunlinum ikki brúkt til veg
Resta nógvar milliónir í at dagføra Selatraðarvegin
Selatraðarvegurin er frá 30unum.
 

Grótið úr Eysturoyartunlinum verður ikki brúkt til Selatraðarvegin.

Men tá farið verður undir tunnilin millum Gøtudal og Skálafjørð, kann tað grótið brúkast til Selatraðarvegin. 

Tað sigur Heðin Mortensen, landsstýrismaður, í svari til Helga Abrahamsen, løgtingsmann.

Sambært svarinum verður berghol gjørt millum Gøtudal og Skálafjørð, men sagt verður ikki, nær tað verður gjørt.

Dagføring kostar

Sambært svarinum kostar tað 50 mió. kr. at breiðka og dagføra Selatraðarvegin til ein smalan tveysporaðan veg.

Landsverk vísir á, at um grót frá tunnilsgerð verður koyrt beinleiðis til Selatraðarvegin, kostar arbeiðið átta milliónir krónur minni.

Men so nógvir pengar eru ikki játtaðir til vegin. 

Frá 2005 til 2014 eru 5,6 mió. kr. brúktar til vegin. 

Hálvonnur mlllión

Í ár er játtað hálvonnur millión. 

Játtanin í ár verður brúkt til at asfaltera vegastrekkini, sum vórðu breiðkað fyri nøkrum árum síðani. Tey eru 600 metrar.

Eftir uppskotinum um fíggjarlóg fyri 2019 verður ein mió kr. játtað til Selatraðarvegin. 

Ætlanin er næsta ár m.a. at breiðka og bøta um eitt strekki beint sunnan fyri grótbrotið. 

Vegurin av Strondum til Selatraðar, hann er tíggju kilometrar, er ein einbreytaður vegur, sum varð gjørdur í 1930árunum. 

Er kopiera
Nýggjastu sendingar í ÚV
Leygardag 3. desember
Plátupanelið 003 (Politiskar plátur)
148901
Leygardag 3. desember
Jambalaja 021222
148900
Leygardag 3. desember
Brunsj við Benny Ejdesgaard
148898
Leygardag 3. desember
Upp á tá - 021222
148895
Leygardag 3. desember
Morgunlestur leygardagur 3. desember 2022
148597
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799