Borgarstjórin fer at kæra um vantandi tilboð

05.12.2018 - 12:36
AktueltSamfelag
Borgarstjórin fer at kæra um vantandi tilboð
Arbeiði hjá Tvøroyrar kommunu er ikki boðið út. Borgarstjórin, sum er í minniluta, ætlar at kæra til Kommunala eftirlitið
Tvøroyri.
 

Kommunala eftirlitið hevur úr at gera at viðgera kærur av Tvøroyri.

Eitt er málið hjá meirilutanum í býráðnum, sum ikki vil, at borgarstjórin, Kristin Michelsen, eisini er løgtingsmaður.

Men nú ætlar Kristin Michelsen at kæra meirilutan, tí eitt kommunalt arbeiði ikki er boðið út.

Talan er um at taka losjuna á Tvøroyri niður. 

Tað arbeiðið er ikki boðið út, men býráðið samtykti tilmæli frá Teknisku nevnd um at taka av tilboðum, sum er 177.000 kr. uttan meirvirðisgjald.

Kristin Michelsen fekk skrivað í gerðarbókina, at hann kærir til Kommunala eftirlitið, um arbeiðið ikki verður boðið út.

Býráðið bað bara um eitt tilboð upp á arbeiðið at taka losjuna niður. Og samtykt varð at taka av tí tilboðnum.  

Arbeiðið verður fíggjað innan fyri fíggjarkarmin hjá Teknisku deild. 

Útreiðslan til niðurtøkuna er eisini keypsgjald fyri losjuna, hevur býráðið eisini samtykt. 

 
Nýggjastu sendingar í ÚV
Leygardag 11. juli
Kjakaríið: Heini, Ester og Høgni
111286
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281