Helgi nummar 75 í heiminum

Talan er um listan yvir telvarar, sum standa seg serliga væl í kviktalvi, og sum er almannakunngjørdur um dagarnar. Í kviktalvi hevur telvari vanliga hálvan tíma ella 25 minuttir til talvið.

Ovast á hesum lista er norðski heimsmeistarin Magnus Carlsen. Hann er somuleiðis einasti norðurlendingur, sum er frammanfyri Helga Dam Ziska á listanum yvir sterkastu telvarar í kviktalvi.

Magnus Carlsen er fremstur á øllum trimum styrkilistum hjá FIDE, tað er í vanligari telving, kviktalvi og snartalvi.