36 dopingroyndir tiknar í ítróttinum fyrsta árið

36 dopingroyndir vórðu tiknar í fjør, sigur ÍSF.

Hatta var fyrsta árið, føroyska dopingareftirlitsfólk tóku royndir í Føroyum. 

Ítróttafólkini, sum eru kannað, umboða fótbólt, hondbólt, kappróður, inniróður, svimjing, judo, boksing og fimleik. 

Dopingroyndirnar eru tiknar í Klaksvík, Runavík, Norðragøtu, Tórshavn, Vestmanna, Sandavági og í Vági.

Føroysku dopingareftirlitsfólkini halda, at ítróttafólk eru vorðin meira tilvitað um antidoping, sigur ÍSF.

Dopingareftirlitsfólk hava fyri stuttum verið í Danmark og kunnað seg meira um arbeiðið hjá Antidoping Danmark við venjingarmiðstøðum.

Átta venjingarmiðstøðir í Føroyum hava gjørt samstarvsavtalu við Antidoping Danmark/Føroyar.