Diplomatar útvístir eftir kvettroynd

24.01.2019 - 09:26
AktueltÚtheimurin
Diplomatar útvístir eftir kvettroynd
Venezuela kvettir øll diplomatisk sambond við USA eftir at Donald Trump hevur víst sín stuðul til kvettmakarar
Juan Guaidó (á myndini) hevur útnevnt seg sjálvan til fyribils forseta í Venesuela eftir eina kvettroynd í landinum
Mynd: AP  
 

Forsetin í Venezuela, Nicolas Maduro, fer nú at útvísa allar diplomatarnar hjá USA í Venezuela eftir eina kvettroynd í landinum. Maduro sigur, at allir diplomatarnir hjá USA skulu úr landinum áðrenn 72 tímar eru farnir.

Tað segði hann sambært tíðindastovuni Reuters við viðhaldsfólk, ið vórðu savnað framman fyri forsetaborgina í høvuðsstaðnum, Karakas.

Avgerðin, um at diplomatisku sambondini skulu kvettast, kemur eftir at andstøðuleiðarin, Juan Guaidó, hevur sagt, at forsetin Maduro er rikin frá valdinum og andstøðuleiðarin hevur útnevnt seg sjálvan til fyribils forseta.

USA stuðlar andstøðuleiðaranum

USA hevur beinanvegin kunngjørt sín stuðul til andstøðuleiðaran, Juan Guaidó. Tað sama hava eisini Kanada, Brasil og Argentina. Hinvegin fær forsetin Maduro framvegis stuðul frá Meksiko og Bolivia.

Maduro ákærir andstøðuna í landinum fyri at royna at fremja eina kvettroynd. Sambært tíðindastovuni AFP hevur ófriðarløgreglan lopið á mótmælisfólk, sum hava avbyrgt vegir í einum forstaði til Karakas.

Í tí sambandinum vórðu táragass og gummikúlur brúkt ímóti mótmælisfólkunum, skrivar tíðindastovan sambært sjónarváttum á staðnum.

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573