Føroyskir veteranar mótmæla

Eisini føroyskir krígsveteranar kenna seg raktar av forhánsligu viðmerkingnum hjá amerikanska forsetanum, Donaldi Trump, um at teir hildu seg aftur á hermótinum í Afghanistan. Tí mótmæla teir í dag saman við donskum veteranum við amerikansku sendistovuna í Keypmannahavn.

Eisini í Nuuk verður mótmælisgonga frammanfyri amerikansku sendistovuni og har eru føroyskir veteranar eisini við.

Bæði í Keypmannahavn og í Nuuk byrjaðu mótmælisgongurnar klokkan 13 lokala tíð.

Í Keypmannahavn ganga tey frá kastellinum, og sum nevnt eru føroyskir veteranar eisini við.

Delmar Tórason er ein av vetaranunum, sum er í mótmælisgonguni í Keypmannahavn. Hann sigur, at fleiri av veteranunum og avvarðandi hava fingið ilt av útsøgnunum hjá amerikanska forsetannum.