Norska krúnprinsessan nevnd í Epstein-skjølunum

Norska krúnprinsessan, Mette-Marit, er nevnd í nýggjastu Epstein-skjølunum, sum amerikanska løgmálaráðið almannakunngjørdi í gjár.

Tað skrivar norska ríkiskringvarpið, NRK.

Sambært NRK hevur ein annar norskur miðil, VG, kannað skjølini, og sambært NRK er krúnprinsessan nevnd fleiri 100 ferðir í skjølunum.

Í 2019 lænti Mette-Marit eini hús hjá Jeffrey Epstein í Palm Beach í fýra dagar, og tá NRK vendir sær til hennara fyri at fáa eina viðmerking, viðurkennir hon og sigur, at hon tekur fulla ábyrgd av tí, sum hon hevur gjørt og at hon stórliga harmast um tað. 

- Eg vísti vánalig dømievni og eg iðri meg um, at eg yvirhøvur hevði samband við Epstein. Eg skammist heilt einfalt av tí, segði krúnprinsessan.

Eisini Fríðrikur kongur er nevndur í skjølunum. Men tað er í nógv minni og ikki líka aktivan mun sum norska krúnprinsessan.