Jóan Símun skoraði fyri Armenia Bielefeld

Føroyski landsliðframherjin, Jóan Símun Edmundsson, skoraði í undirhaldandi dysti í aðru Bundesliguni í gjárkvøldi.

Armenia Bielend var aftanfyri bæði 0-2 og 1-3 ímóti Dynamo Dresden, men tað eydnaðist tó at vinna dystin.

Jóan Símun Edmundsson kom á máltalvuna, tá hann minkaði um munin til 2-3, tá tíggju minuttir vóru farnir av seinna hálvleiki.

Sigursmálið skoraði Julian Borner, tá ellivu minuttir vóru eftir av dystinum.

Samandráttur frá dystinum kann síggjast her:

Armenia Bielefeld er á fjúrtanda plássi við 21 stigum fyri 19 dystir.

Jóan Símun og liðfelagarnir skulu aftur á vøllin leygardagin, tá teir taka ímóti oddaliðnum Hamburg SV.