Fríhandil millum Føroyar og Bretland til hoyringar

Uttanríkisráðið hevur sent til hoyringar uppskot til samtyktar um, at løgtingið góðkennir, at landsstýrið setur í gildi fyri Føroyar sáttmálan um fríhandil millum Føroyar og Stórabretland. 

Sáttmálin skal koma í gildi, tá Bretland fer úr ES, sama um Bretland fer úr samveldinum við eini avtalu ella ikki, sigur Uttanríkis- og vinnumálaráðið.

Bretland er millum tey londini, vit útflyta mest til.

Í 2016 seldu Føroyar Bretlandi vørur fyri 850 milliónir kr. Í 2017 var útflutningurin til Bretlands 770 milliónir.

Innflutningurin úr Bretlandi hevur seinastu tvey árini verið ávikavist 169 milliónir og 284 milliónir krónur.

Eisini í hesum førinum er hoyringarfreistin stutt, hon er til mánadagin.