Varskógvaraskipanin samtykt

06.02.2019 - 15:29
AktueltPolitikkur
Varskógvaraskipanin samtykt
Málið skal hava ein viðgerð aftrat í tinginum
 

Løgtingið hevur við aðru viðgerð samtykt uppskotið hjá Kristinu Háfoss, landsstýriskvinnu, um varskógvaraskipan fyri almenn starvsfólk.

Løgtingið samtykti eitt broytingaruppskot frá samgonguumboðunum í fíggjarnevndini, um at landsstýrisfólkið um tvey ár skal leggja álit fyri tingið, hvussu lógin virkar eftir ætlan, og um broytingar skulu gerast.

Tingið samtykti eisini, at lógin skal koma í gildi 1. mars.

14 atkvøður vóru fyri og 11 ímóti. 

Helena Dam á Neystabø segði í eini viðmerking í álitinum frá fíggjarnevndini, at varskógvaraskipanin skal eisini fevna um kommunur og almenn partafelag.

Andstøðan: Óneyðug skipan

Andstøðuumboðini í fíggjarnevndini søgdu, at neyðugt er ikki við einari almennari umsiting aftrat, og tey mæltu frá at samtykkja uppskotið.

Tær eftirlitsskipanir, sum eru, saman við talufrælsinum, fevna um alt tað, sum ein møgulig varskógvaraskipan eisini fer at fevna um. 

Uppskotið um varskógvaraskipan skal hava eina viðgerð aftrat í tinginum. 

Er kopiera
Nýggjastu sendingar í ÚV
Hósdag 29. september
RagnarRokk: Peter Iwers um The Halo Effect
144014
Hósdag 29. september
LJóarin 29. september 2022
145540
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956