Sonni Ragnar Nattestad skaddur

Miðverjin á føroyska landsliðnum, Sonni Ragnar Nattestad, hevur givið avboð til EM-undankappingardystirnar ímóti Malta og Rumenia.

Avboðið er orsaka av einum skaða. 

Lars Olsen, landsliðsvenjari, hevur gjørt skjótt av. Hann hevur úttikið Bartal Wardum úr HB til teir báðar dystirnar.

Hetta er fyrstu ferð, at Bartal Wardum er úttikin til undankappingardyst hjá A-landsliðnum.

Føroyar spæla ímóti Malta 23 mars og ímóti Rumenia 26.mars. Báðir dystirnir eru á útivølli.