Ivi um føroyska útbúgving sum er lýst

Ivi um føroyska útbúgving sum er lýst
Ivasamt er, um nýggi løgfrøðilesturin á Fróðskaparsetrinum hevur sama gildi sum danska løgfrøðinámið 
Fróðskaparsetrið bjóðar út løgfrøði í heyst.
 
08.04.2019 - 12:04

Ivasamt er, um nýggi løgfrøðilesturin á Fróðskaparsetrinum hevur sama gildi sum danska løgfrøðinámið. 

Í rættargangslógini fyri Føroyar stendur, at advokatar og dómarar í Føroyum skulu hava danskt løgfrøðiprógv.

Fróðskaparsetrið ætlaði at fáa hetta broytt, nú rættargangslógin er endurskoðað. 

Men landsstýrið sigur seg ikki kunna hjálpa við hesum. Rættargangslógin er málsøki hjá danska Løgmálaráðnum.

Tað sigur, at skal tað seta eina serstaka heimild í rættargangslógina, sum heimilar, at føroysk løgfrøðiútbúgving verður síðusett við danska kandidatútbúgving, er fyritreytin, at donsku undirvísingar- og granskingarmyndugleikarnir góðkenna føroysku útbúgvingina.

Hetta noyðist Fróðskaparsetrið at fáa í lag, sigur Løgmansskrivstovan.

Løgmálaráðið er sinnað at broyta rættargangslógina, tá føroyska løgfrøðiútbúgvingin er góðkend í Danmark.

Fróðskaparsetrið hevur lýst eftir næmingum til útbúgvingina í løgfrøði.

Umsóknarfreistin er ikki farin enn.


 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592