Glasir kanning liðug

11.04.2019 - 18:44
AktueltPolitikkur
Glasir kanning liðug
Landsgrannskoðarin er nú liðugur at kanna, hví fíggjarstýringin hjá Landsverki av byggingini av skúladeplinum í Marknagili, fór av sporinum.
 

Ein frágreiðing, sum er meira enn 100 síður, og sum Landsgrannskoðarin hevur gjørt um byggigøluna í Marknagili, liggur nú á borðinum hjá løgtingsgrannskoðarunum. 

Beinta Dam, landsgrannskoðari, hevur greinað, hví verkætlanin fíggjarliga fór so nógv av kós, at hon endaði við at kosta landsstýriskvinnuni í mentamálum sín sess.

Men hvør niðurstøðan hjá Landsgrannskoðaranum er, fæst ikki at vita í dag. 

Jónleif Johannesen, formaður fyri løgtingsgrannskoðararnar, sigur, at løgtingsgrannskoðararnir fara í morgin at seta seg saman og gera eina felagsniðurstøðu burtur úr frá greiðingini, sum eftir ætlan verður almannakunngjørd í morgin.

Tað var í januar í ár, at løgtingsgrannskoðararnir heittu á Landsgrannskoðaran, Beintu Dam, um at gera ein kanning av stóru byggigøluni í Marknagili. 

Hetta fyri at fáa greiði á, hvat miseydnaðist í fíggjarstýringini av byggingini av Glasir - føroya størsta byggiverkætlan, og hví. 

Eitt nú, hvussu tað ber til, at 30 milliónir krónur í ógoldnum rokningum brádliga koma undan kavi? Og at 12 milliónir krónur, ið løgtingið hevur játtað til eina flagtekju, í heimildarloysi blivu brúktar til annað endamál?

 

Er kopiera
Nýggjastu sendingar í ÚV
Mánadag 3. oktober
Norðurljóð 3.oktober 2022
144647
Mánadag 3. oktober
Møti: Mannstevna á Zarepta 2022
145703
Mánadag 3. oktober
Koparskrínið 1.partur
145695
Nýggjastu sendingar í SV
Sunnudag 2. oktober
Úr savninum: Staksmentan í besta blóma
145663
Sunnudag 2. oktober
Andakt við Høgna Johannesen
145656
Sunnudag 2. oktober
Guðstænasta í Kvívíkar kirkju
145660
Leygardag 1. oktober
Innsavningartiltak hjá Bláa Krossi
145640
Mikudag 28. september
Úr savninum: Soleiðis liva tey enn 1:2
145662