Ein kæra um biogass

27.05.2019 - 11:55
AktueltUmhvørvi
Ein kæra um biogass
Umhvørvisstovan fekk eina kæru um biogassverkið, sum skal byggjast á Skarðshjalla
Biogassverkið skal byggjast á Skarðshjalla.
 

Umhvørvisstovan fekk eina kæru um biogassverkið, sum skal byggjast á Skarðshjalla.

Eigarafelagið Hoyvíkshædd, sum er býlingurin norðan fyri skúlan við Løgmannabreyt í Hoyvík, hevur kært um staðsetingina og um vandan fyri lukti frá verkinum.

Kæran verður nú send landsstýriskvinnuni í umhvørvismálum, Sirið Stenberg, sum tekur avgerð um hana.

1,8 kilometrar eru millum Hoyvíkshædd og biogassverkið, upplýsir Umhvørvisstovan.

Partafelagið Førka, Føroysk náttúrorku, ætlar at byggja biogassverk á Skarðshjalla í Hoyvík.

Hiti og el

Biogassverkið hjá Förka, sum er dótturfelag hjá Bakkafrosti, fer at taka neytamykju frá landbúnaðinum og súrløgu av laksi og skarni frá smoltstøðum. 

Verkið hevur umhvørvisgóðkenning til at taka móti upp til 50.000 tonsum av lívrunnum tilfari um árið. 

Verkið fer at hava gassmotor, sum ger ravmagn burtur úr biogassinum so hvørt. 

Hitin frá gassmotorinum kann brúkast til fjarhita ella til onnur endamál. 

Harafturat kann viðgjørda tilfarið brúkast sum tøð í landbúnaðinum. 


 

 
Nýggjastu sendingar í ÚV
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Týsdag 15. oktober
Breddin
99910
Týsdag 15. oktober
Nón 15.10.19 - tematýsdagur um vinaløg
99906
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695