Maður hótt løgregluna

Hóttanir og harðskapsroynd móti løgregluni var orsøkin til, at eitt vegastrekki í Havn varð avbyrgt í morgun. Løgreglan bað fyrrapartin fólk um at halda seg burtur frá økinum.

Um 9:00 tíðina varð løgreglan borðsend til húsaófrið. Tá tey koma á staðið, er ein maður sum hóttir løgregluna, og tí varð vegurin avbyrgdur, til maðurin varð handtikin stutt fyri klokkan 11:00. 

Maðurin skal til grundlógaravhoyring í morgin, tí hann er skuldsettur fyri hóttanir og harðskapsroynd móti løgregluni. 

Vegastrekkið frá Landsbókasavninum til málingahandlin á J.C. Svabosgøtu er nú opið aftur.