Lat neyðhurð upp undir fráferð

Tað kann verða torført at síggja mun á eini vesihurð og eini neyðhurð. 

Tað hendi í hvussu er umborð á einum flogfari hjá Pakistan International Airlines, sum fríggjakvøldið skuldi fara á flog úr Manchester til Islamabad.

Eitt av ferðafólkunum ætlaði sær á ves, meðan flogfarið koyrdi út eftir breytini og skuldi gera klárt til at fara á flog. 

Viðkomandi lat upp skeiva hurð. Í staðin fyri at lata vesihurðin upp, megnaði viðkomandi at lata neyðdyrnar upp, skrivar CNN.

Pakistanska flogfelagið sigur í fráboðan, at rýmingar-breytin blástist upp, tá hurðin varð latin upp. 

Trýstmunurin ger, at ikki ber til at lata neyðhurðar upp, meðan flogfarið er í luftini.

Allar neyðdyr á flogførum er gjørdar soleiðis, at tær verða latnar upp inneftir, og tað letur seg ikki gera, tí lufttrýstið í kabinuni er nógv hægri enn lufttrýstið uttanfyri dyrnar, skrivar CNN.

Í mai-mánaði varð ein eldri ferðamaður handtikin í Shandong-landspartinum í eystur Kina, tí hann royndi at lata upp neyðdyrnar fyri at sleppa undan at standa í bíðirøð fyri at sleppa í land, tá flogfarið hevði sett seg.