Google ger fimm sólkyknulundir í Danmark

Millum annað er ætlanin at gera fimm nýggjar sólkyknulundir í Danmark, sum kunnu framleiða 160 megawatt. Tað svarar til orkuna, sum 32.000 sethús, ið hava sóltekju, kunnu framleiða. 

Fyrstu tríggjar sólkyknulundirnar í Danmark verða ætlan tiknar í nýtslu næsta summar, og hinar báðar um eitt ár ella so.

Miðstøðin í Danmark kostar 4,5 mia.

Funnist hevur verið at kt-risum sum Google og Facebook, tí datamiðstøðirnar hjá fyritøkunum brúka so nógvan streym.

Í fjør kunngjørdi Google, at fyritøkan fer at byggja eina datamiðstøð í Danmark fyri 4,5 milliardir krónur. Hon verður eftir ætlan liðug seinast í 2020.

Umframt sólkyknulundirnar í Danmark ætlar Google at byggja lundir í Svøríki, Finnlandi og Belgia. Arbeitt verður eisini við verkætlanum í USA og Kili, sigur Google.