Sama kravið um pengar at standa ímóti við

Danski vinnumálaráðharrin hevur ásett kontrasyklisku buffarasatsirnar, sum krøvini verða nevnd, fyri triðja ársfjórðing.

Teir eru 1,5 prosent fyri peningarstovnar í Danmark og null prosent fyri pengingastovnar í Grønlandi og í Føroyum.

Kontrasykliski buffarasatsurin er kravið um, hvussu nógvar pengar, peningastovnar skulu hava at standa ímótí við. Krøvini verða ásett eftir, hvussu fíggjarliga menningin er.

Hvør ársfjórðingur

Vinnumálaráðharrin ásetur kontrasykliskar buffarasatsir fyri hvønn ársfjóðing. Krøvini komu eftir fíggjarkreppuna í 2008. Tey eru eitt av nógvum tiltøkum, sum skulu gera fíggjargeiran sterkari.

Endamálið við kontrasykliska buffarasatsinum er at minka realfíggjarligu afturgongdina, sum kemur, tá óvanliga herd krøv um kreditt verða sett húsarhaldum og fyritøkum, tí fíggjargeirin er illa sperdur.

Buffarin skal byggjast upp í góðum tíðum og brúkast, tá illa gongst, so peningastovnar framvegis kunnu veita hóskandi kreditt.