Lagnan hjá málninginum útsett til desember

Teir báðir, Dan Torleifsson og Arne Leivsgarð, møttu fyrrapartin í Eystara Landsrætti, sum skuldi taka støðu til málið.

Advokaturin hjá danska listarmanninum Tal R vil hava sett fútabann móti, at báðir føroyingarnir sleppa at skera í málningin, sum teir hava keypt fyri 600.000 krónur í London at brúka til urskivur.

Viðgerðin í Eystara Landsrætti vardi frá klokkan 9.15 í morgun til klokkan 14.15 seinnapartin - uttan úrslit, tí dómarin skal hava umhugsunartíð, áðrenn hann kemur við einum úrskurði.