Jóhan á Plógv á veg til EM

Hetta varð kunngjørt á døgurða í dag. 

Greitt er tó, at talan er um ein bruttohóp uppá 28 leikarar. 

Endaligi hópurin skal ikki telja meira enn 16 leikarar. Tí skulu 12 soldast frá og spurningurin er, um føroyski vongurin skal við til Svøríkis, har EM-endaspælið skal spælast.

Kappingin er hørð, tilsamans seks vengur hava fingið boð til bruttohópin. Teirra millum Magnus Landin, Lasse Svan og Hans Lindberg.

Tá HM-endaspælið var í januar í ár, varð Jóhan á Plógv Hansen ikki við í endaliga hópinum, men skaðar raktu liðið og føroyski vongurin varð boðsendur og spældi tilsamans átta dystir. Tá gjørdist Danmark heimsmeistarar.

Endaligi hópurin hjá dønum, sum skal stríðast í EM-endaspælinum næsta mánað, verður tikin út 16. desember.