Stúra fyri avlurting

14.12.2019 - 10:16
AktueltPolitikkur
Stúra fyri avlurting
Telefon og onnur elektronisk útgerð er bannað í fundarhølinum hjá uttanríkispolitisku nevndini hjá fólkatinginum, tí tey stúra fyri avlurting
 

Tað er ikki loyvt at brúka telefon og aðra elektroniska útgerð í fundarhølinum hjá uttanríkispolitisku nevndini hjá fólkatinginum á Christiansborg.

Orsøkin er, at stúrt verður fyri avlurting og njósning, skrivar danska kringvarpið.

- Tað ber til hjá óviðkomandi at fáa samband við eina fartelefon og brúka hana til at avlurta samrøður. Tí lata allir nevndarlimirnir telefonina frá sær, áðrenn fundurin í uttanríkispolitisku nevndini byrjar, upplýsir fólkatingið fyri DR.

Stjórnin hevur javnan fund við uttanríkispolitisku nevndina, har kunnað verður um uttanríkispolitisk mál, og stjórnin ráðførir seg eisini við teir 17 limirnar í nevndini. 

Tí eru allir fundir í uttanríkispolitisku nevndini í trúnaði.

Hósdagin hevði nevndin fund um málið, har Kina verður lagt undir at leggja trýst á Føroyar at brúka telerisan Huawei at útbyggja 5G-netið. 

Fregnartænastan hjá donsku verjuni viðger javnan støðuna, um Danmark verður hótt, og tað eru upplýsingar frá fregnartænastuni, sum hava fingið fólkatingið at taka stigið ikki at loyva telefonum í fundarhølunum hjá uttanríkispolitisku nevndini. 

 
Nýggjastu sendingar í ÚV
Mánadag 6. juli
Skála bløðir
111066
Mánadag 6. juli
Góðan morgun Føroyar 06.07.2020
111027
Sunnudag 5. juli
Frá stríðsárunum (1:15)
110841
Sunnudag 5. juli
Guðstænasta í Fuglafjarðar kirkju
111013
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743