- Tíðindi, mentan og ítróttur
Varðhaldsfongslaður fyri at stinga við knívi
Varðhaldsfongslaður fyri at stinga við knívi
Ósemja millum tveir mans í Klaksvík endaði við, at annar dró knív og stakk hin
![](https://kvf.fo/sites/default/files/styles/grein-ovasta-mynd/public/sorinskrivarin.png?itok=_CzRSFBK)
06.01.2020 - 08:39
Ein maður í tjúgunum varð í gjár varðhaldsfongslaður í 15 dagar, skuldsettur fyri at hava stungið ein annan mann við knívi.
Hetta hendi í Klaksvík leygarkvøldið.
Politiið fekk leygarkvøldið boð um, at ein maður, sum eisini er í tjúgunum, var stungin í beinið.
Tveir mans, sum kennast, vóru farnir at keglast, og ósemjan endaði við, at annar tók knív fram og stakk hin.
Maðurin, sum varð stungin, fór á skaðastovuna til viðgerðar, men er útskrivaður aftur.
Grundlógaravhoyring var í Føroya rætti seinnapartin í gjár.
Politiið hevur avhoyrt nógv vitni. Sambært politinum bendir einki á, at rúsdrekka var uppi í leikinum.
Men blóðroyndir eru tiknar fyri at staðfesta tað.
Nýggjastu sendingar í ÚV
Nýggjastu sendingar í SV