Russland vónar at fáa fiskiveiðiavtalu við Noreg næsta ár

Russland vónar at fáa fiskiveiðuavtalu við Noreg fyri 2027.

Tað sigur Ilja Sjestakov, leiðari í russisku fiskivinnuumsitíngini, við norska Fiskeribladet.

Hann sigur, at hóast Noreg hevur sett tveimum russiskum reiðaríum forboð fyri at fiska í norskum sjógvi, eru londini bæði kortini samd um halda fram við samstarvinum.

Sjestakov væntar, at londini gera avtalu um 2027.

Hann sigur, at fiskastovnarnir í Barentshavinum og Norðurhavinum eru felags.

Tí noyðast londini at umsita teir í felag, tí annars er vandi fyri, at fiskiskapurin ikki er burðardyggur, sigur Sjestakov við Fiskeribladet.

Russland hevur ongantíð fyrr selt so nógvan fisk í Noregi fyri so nógvar pengar sum í 2025.