Havnarútbyggingin: Bíða eftir tryggingini

Havnarútbyggingin: Bíða eftir tryggingini
Arbeiðið at útbyggja havnarlagið í Havn er nógv seinkað
 
07.01.2020 - 13:32

Tórshavnar havn hevur ikki enn frætt frá Betri trygging, um hon tekur við, nú neyðugt er at skifta nógvar akkersboltar í nýggju havnini.

Yvir 200 akkersboltar halda atløgubryggjuni, men nógvir eru bognaðir og síðani slitnaðir.

Neyðugt er at skifta okkurt um helvtina av teimum.

Hetta er bryggjan, sum annars var liðug.

Akkersboltar eru eisini farnir í brygguni, sum ikki er liðug. 

Festa akkerini longri uppi

Loysnin er nú at festa akkerini tveir metrar longri uppi. Nú eru tey á seks metra dýpi. Tey vóru átta metrar niðri.

Ætlanin var annars at taka fyrra partin av nýggju havnini í brúk tann 22.oktober í fjør.

Nú er óvist, nær havnin verður klár at brúka, men tað verður í fyrsta lagi í vár.

Alt arbeiðið skuldi verða liðugt hálvan mai í ár, men tað verður eisini seinni enn tað.
 

Er kopiera
Nýggjastu sendingar í ÚV
Nýggjastu sendingar í SV
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158
Týsdag 20. mai
Veðrið
192138
Týsdag 20. mai
3-2 (28. apríl 2025)
192112