Spreinging í Stokkhólmi í nátt

Ein íbúðarbygningur í Østermalm í Stokkhólmi hevur fingið stóran skaða av eini spreinging í nátt.

Í løtuni er óvist, um nakar hevur fingið mein av spreingingini. 

Umleið 30 fólk vórðu flutt á ein skúla, og økið varð avbyrgt,  skrivar Expressen sambært Berlingske.

 - Ein hvøllur brestur hoyrdist um allan Stokkhólm, segði ein myndamaður, sum býr ein kilometur frá økinum, har spreingingin var.

Bygningurin hevur fingið stóran skaða, og ein bilur varð sprongdur í luftina.

Rútar brotnaðu eisini í einum skúla nærindis.

Svenska løgreglan veit ikki, hvat hendi í nátt.

Í Uppsala, norðan fyri Stokkhólm, var eisini ein spreinging í nátt.

Heldur ikki har er frætt um, at fólk hevur fingið skaða.