Fólkatalið farið upp um 52.000

Fólkatalið í Føroyum er aftur farið upp um 52.000.

1.desember í fjør var fólkatalið 52.067.

Tað eru 807 fólk fleri enn 1.desember í 2018.

Vøksturin kemur av burðaravlopinum, sum er 271, og nettotilflytingin, sum er 536, sigur Hagstovan.

Burðaravlopið er munurin millum fødd og deyð og nettotilflytingin er munurin millum teirra, sum flyta úr Føroyum, og teirra, sum flyta til Føroya.

Fólkatalið fór annars upp um 52.000 1.august í fjør, men so minkaði tað aftur, tá nógv ungfólk fóru av landinum í útbúgving.