Gott at eiga partabrøv og lánsbrøv

2019 var eitt avbera gott ár hjá teimum, sum keyptu partabrøv og lánsbrøv.

Heimsins partabrøv kastaðu í miðal okkurt um 29 prosent av sær í fjør. Virkislánsbrøv stóðu seg eisini væl, avkastið var millum fimm og tíggju prosent.

Vit skulu heilt aftur til 2013 fyri at finna eitt so gott ár á partabrævamarknaðunum. 

Tað sigur Markets hjá Betri banka.

Bæði amerikanski tjóðbankin og evropeiski meginbankin lækkaðu leiðandi renturnar í seinna hálvári 2019. 

Hetta gjørdi, at lánsbrævarenturnar lækkaðu enn meira, og íleggjarar flokkaðust um partabrøv.  

Og blíðari tónar í handilskrígnum millum USA og Kina í heyst gjørdu, at partabrævamarknaðirnir settu nýggj met í november og desember 2019.