- Tíðindi, mentan og ítróttur
Skuldsettir fyri eldáseting í Sandavági
Skuldsettir fyri eldáseting í Sandavági
Teir fýra dreingirnir játta seg sekar
![](https://kvf.fo/sites/default/files/styles/grein-ovasta-mynd/public/eldur_i_sandavagi.png?itok=ZVB61ok5)
Eldurin varð sløktur, áðrenn hann breiddi seg
20.01.2020 - 14:24
Fýra dreingir eru skuldsettir fyri eldáseting í Sandavági sunnunáttina 12.januar.
Dreingirnir, sum allar eru tannáringar, eru ikki úr Sandavági, men teir eru tó úr Vágum.
Teir játta seg sekar.
Eisini harðskapur
Í hvussu so er ein teirra er eisini skuldsettur fyri harðskap, tí hann royndi at hjálpa einum øðrum dreingi, sum maðurin í húsunum hevði tikið. Talan var um eina sivila handtøku, sigur politiið.
Teir fýra dreingirnir eru skuldsettir fyri at skjóta tvær rakettir, sum festu í eina stóra plantu, ein baraldarrunn, sum stóð við úthurðina.
Fimm fólk, vaksin og børn, svóvu í húsinum, men konan vaknaði, og maðurin fekk sløkt eldin, áðrenn hann breiddi seg.
Nýggjastu sendingar í ÚV
Nýggjastu sendingar í SV