3.000 kr. í sekt fyri at bróta ramsarkunngerð

3.000 kr. í sekt fyri at bróta ramsarkunngerð
Átta menn vórðu ákærdir fyri at hava siglt við vatnskutarara við Nólsoy í 2018
 
27.01.2020 - 12:55

Átta menn hava í Føroya rætti fingið 3.000 kr. í sekt hvør fyri at bróta ramsarkunngerðina.

Tað er nakað minni enn ákæruvaldið kravdi.

Ákæruvaldið kravdi 6.500 kr. í sekt til hvønn ákærda.

Menninir noktaðu seg sekar. Ríkiskassin rindar sakarkostnaðin.

Fyrsta málið í rættinum

Hetta er fyrstu ferð, ramsarkunngerðin er í Føroya rætti.

Menninir vórðu ákærdir fyri at sigla nærri ramsaroyggj enn 500 metrar.

Tað skulu teir hava gjørt, tá teir sigldu við vatnskutara við Nólsoy 20.juli í 2018. 

Kunngerð frá 2017

Ramsarkunngerðin sigur millum annað, at frá 15. apríl til og við 31. august er bannað at sigla við vatnskutara nærri enn 500 metrar úr landi kring Nólsoy, Skúvoy, Mykines og Mykineshólm.

Ramsarkunngerðin kom í 2017. 

Hon byggir á lógina um at verja havumhvørvið. 

Kunngerðin er gjørd fyri at verja fuglin í ramsaroyggjunum.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688