Loyvi krevst at útflyta vápn

Landsstýrið skal gera reglur um atgongd til føroysku vápnaskránna, so politiið eisini hevur beinleiðis atgongd til hennara.

Uppskot er gjørt um broytingar í vápnalógini.

Endamálið er millum annað at gera greitt, at loyvi krevst til at útflyta vápn, og hvør kann lata slíkt loyvi.

Heilt greið heimild at krevja loyvi til at útflyta vápn skal fáast við lógarbroytingini.

Vápnapass

Løgmansskrivstovan veit til dømis, at tá skjúttar fara uttanlands at kappast við vápni, lættir tað um innflutning í onnur lond, um vísast kann á, at vápnið lógliga er flutt úr Føroyum.

Umhvørvisstovan skal geva útflutningsloyvi til vápn. Kravið fyri at fáa útflutningloyvi er vápnaprógv, sokallað vápnapass. 

Kunngerð skal eisini gerast um, at politiið fær beinleiðis atgongd til vápnaskránna hjá Umhvørvisstovuni.

Vápnalógin er frá 1969, men hon er broytt í 1980 og 2015.