- Tíðindi, mentan og ítróttur
Sarah Mahfoud heimsmeistari
Sarah Mahfoud heimsmeistari
Tað gjørdist hon, tá hon í gjár vann dystin móti argentinska heimsmeistaranum, Brenda Carabajal, som varð boksaður á Fredriksberg í Keypmannahavn
02.02.2020 - 10:55
Sarah Mahfoud boksaði ein góðan dyst og hevði yvirtakið beinan vegin. Umaftur og umaftur var hon fyrst at sláa, og hetta kom óvart á hjá mótstøðukvinnunni.
Teir tríggir dómararnir vóru ikki í iva, og Sarah Mahfoud vann heimsmeistaraheitið við flest stigum.
- Tað var ómetaliga gott huglag í høllini, og tað gekk væl. Eg eri heimsmeistari, segði Sarah Mahfoud við danska blaðið B.T. eftir dystin.
- Eg havi arbeitt við mínum agressiviteti, og eg skuldi brúka mína vinstru alla tíðina og fanga hana við mínari høgru, segði Sarah Mahfoud.
Heimsmeistarin í fjøðurvekt hjá kvinnum er hálvur føroyingur. Hon er ættað úr Vestmanna.
Nýggjastu sendingar í ÚV
Nýggjastu sendingar í SV