Coronavirusið komið til Danmarkar

bannari
27.02.2020 - 08:01
AktueltÚtheimurin
Coronavirusið komið til Danmarkar
Ein maður, sum hevur verið á skíferiu í Norðuritalia, hevur fingið staðfest coronavirusið, siga donsku heilsumyndugleikarnir
Ein dani, sum hevur verið á skíferiu í Norðuritalia, hevur fingið coronavirusið
 

COVID-19 virusið er komið til Danmarkar. Talan er um eitt starvsfólk á TV2, sum hevur verið á skíferiu í Lombardínum í Norðuritalia, upplýsir heilsu- og eldramálaráðið í tíðindaskrivi, sum DR endurgevur.

Vit taka málið í størsta álvara, og arbeiðið at forða fyri at virusið breiðir seg, er byrjað, sigur Magnus Heunicke, heilsu- og eldramálaráðharri.

Maðurin kom til Danmarkar mánadagin, og hann gjørdist sjúkur í gjár. Hann varð kannaður á universitetssjúkrahúsinum í Roskilde, og har varð staðfest, at talan er um COVID-19 virusið.

Familjan ikki smittað

Maðurin skal vera við hús, og ikki koma í samband við onnur. Konan og sonurin hava ikki fingið virusið.

Vit eru skelkað av tí sum er hent, tí vit hildu tað ikki vera møguligt, skrivar maðurin, Jakob Tage Ramlyng, á Facebook.

Hann og familjan skulu halda seg við hús í tvær vikur. Samstundis tosar stýrið fyri sjúklingatrygd við mannin, fyri at fáa greiðu á, hvørji fólk hann hevur tosað við. Tað verður gjørt, fyri at steðga virusinum at breiða seg.

 
Nýggjastu sendingar í ÚV
Leygardag 28. mars
Álopið á St. Nazaire
106652
Leygardag 28. mars
Jambalaja 280320
106908
Leygardag 28. mars
Sendingin 270320
106906
Nýggjastu sendingar í SV
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783
Mikudag 25. mars
Savnsgull: Ymisk lív
57217
Mikudag 25. mars
Studio71 - 5 feitir filmar
106672