Føroyanevndin spyr um stjórnarskipan í Føroyum

Hevur nýggja landsstýrið í Føroyum nakra ávirkan á arbeiðið við at gera stjórnarskipan í Føroyum?

Tann spurningin hevur Mette Frederiksen, forsætismálaráðharri, fingið frá Føroyanevndini í fólkatinginum.

Hon er eisini biðin um siga, hvør støðan er í stjórnarskipanararbeiðinum í Føroyum.

Bertel Haarder, fólkatingsmaður fyri Venstre, spyr gjøgnum Føroyanevndina, har hann er limur.    

Hann hevur eisini spurt, hvussu gongst við samstarvinum millum Danmark, Føroyar og Grønland um DFG-skipanina, sum Lars Løkke Rasmussen fekk í lag, tá hann var forsætisráðharri.