COVID-19: Eingin nýggjur tilburður um vikuskiftið

Tvey fólk hava fingið staðfest virusið, og 33 fólk eru avbyrgd. Nógv tey flestu eru avbyrgd heima við hús, meðan níggju teirra halda til á Hotel Vágum.

Tey níggju fólkini á Hotel Vágum eru øll væl fyri, og hava javnan samband við Bjarna á Steig, yvirlækna, sum umboðar Heilsumálaráðið.

Ein skipan er fingin í lag, har tey avbyrgdu sleppa út tvær ferðir um dagin, upplýsir Heilsumálaráðið í tíðindaskrivi.