SEV: Fólk biðin um at arbeiða við hús

SEV hevur eisini sett ymisk tiltøk í verk í sambandi við corona fyri at verja elveitingina. 

Avgjørt er, at hurðarnar verða læstar, og bara vitjandi, veitarar og onnur, sum hava alneyðug ørindi hjá SEV, fáa atgongd eftir avtalu.

Harumframt eru starvsfólk biðin um, so vítt gjørligt, at arbeiða við hús, og har hetta ikki er ein møguleiki, eitt nú á elverkunum, eru broytingar gjørdar í arbeiðsbýti og vaktarskipanum fyri at tryggja elveitingina.

Av innanhýsis tiltøkum hevur SEV m.a. avlýst alla ferðing og skeiðsvirksemi, kantinurnar eru stongdar, og fundarvirksemið verður avgreitt elektroniskt, skrivar SEV.