Danmark: Politisk avgerð at steingja landamørkini

Víðgongda avgerðin um at steingja landamørkini í Danmark fyri at forða fyri corona smittu, er ikki tikin eftir viðmæli frá heilsumyndugleikunum.

Tað segði stjórin í heilsustýrinum í Danmark nú seinnapartin, tá ið ein tíðindafundur var í Keypmannahavn um tiltøk hjá myndugleikunum í sambandi við corona smittuna.

- Tað er púra greitt ein politisk avgerð, sum vit virða, segði Søren Brostrøm, stjóri í heilsustýrinum á tíðindafundinum, sambært DR.
 

Tað var á middegi í dag danska tíð, at landamørkini vórðu stongd í Danmark. Tað merkir, at frá nú av skalt tú hava eina góða orsøk - ella eina "viðurkenda orsøk" - til at sleppa inn í Danmark.
 

Tað kann eitt nú vera, at tú skalt arbeiða í Danmark, vitja ein sjúka familjulim ella aðrar neyðstøður.
 

Fyri føroyingar hevur støðan í Danmark onga ávirkan á føroyingar. Tað segði Jenis av Rana, uttanríkisráðharri í Degi og Viku í gjár.
 

Hinvegin verða Føroyar og Grønland framvegis roknað sum partur av danska ríkinum í hesum sambandi.
 

Kelda: DR