Akstovan skrásetir nú aftur bilar

bannari
Akstovan skrásetir nú aftur bilar
Stovnurin stongdi avgreiðsluna fríggjadagin, men nú verða bilar aftur skrásetingarsýnair á Akstovuni
Mynd: Bjarni Árting Rubeksen  
 
16.03.2020 - 11:20

Akstovan fer nú aftur at skráseta bilar. Stovnurin sigur á heimasíðuni, at bilasølur skulu skráseta bilar í on-line skipanini á heimasíðuni hjá Akstovuni.

Tá øll skjøl eru eftirkannað og øll gjøld goldin, fær bilasølan boð um at koma á Akstovuna við bilinum, sum verður skrásetingarsýnaður í sýnshøllini. Nummarspjøldrini verða eisini útflýggjað.

Søla av brúktum bilum verður eins og vanligt fráboðað við oyðublaði,  við váttan um eigaraskifti, sum verður sent inn sum teldupostur. 

Alt annað samband við kundar er avmarkað, sum støðan er, sigur Akstovan, men viðskiftafólk kunnu senda teldupost ella ringja til stovnin. Telefonin svarar frá klokkan 10 til 14.

Lótu aftur

Fríggjadagin boðað Akstovan annars frá, at avgreiðslan varð stongd fyribils, orsakað av støðuni við coronavirusi. Tað fekk bilasølur at finnast at stovninum, tí bilar kundu ikki skrásetast.

Í gjár segði Bárður á Steig Nielsen, løgmaður, at tað hevur ongantíð verið ætlanin, at almennar tænastur skulu niðurleggjast, og sipaði beinleiðs til Akstovuna.

Í dag hevur Akstovan so boðað frá nýggjum mannagongdum í sambandi við kundamóttøku og tænastum ti borgararnar.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592