Ein frískur aftrat og sloppin úr sóttarhaldi

Í morgun var annar føroyingurin, ið varð smittaður av koronavirusinum, staðfestur frískur aftur, og loystur úr sóttarhaldinum.

Viðkomandi var júst afturkomin úr Norðuritalia, tá ið hon fekk sjúkutekin, ið mintu um beinkrím.

Hon varð kannað og fekk staðfest COVID-19 tann 5. mars. Kvinnan varð sett í sóttarhald á Hotel Vágum, og heilsustøðan hevur verið góð alla tíðina.

10 í sóttarhaldi

10 fólk, sum hon hevði havt samband við, vórðu eisini sett í sóttarhald.

Eingin teirra hevur sjúkueyðkenni, og tey eru eisini loyst úr sóttarhaldinum.

Sostatt eru báðir føroyingarnir, ið fingu staðfest smittaðuna fyri góðum tveimum vikum síðani, staðfestir frískir aftur.