Korona hevur kravt 10.000 mannalív

10.000 fólk eru nú deyð av koronavirusinum, sum herjar kring heimin í løtuni. 

Tað vísa nýggjastu tølini hjá Johns Hopkins Universitetinum, sambært DR. 

Tað er serliga í Evropa, at talið av deyðum er nógv vaksið seinastu dagarnar. 

Í Føroyum eru 80 fólk smittað við Covid-19, og tvey eru blivin frísk av virusinum. 

1151 tilburðir í Danmark

Í Danmark hava 1151 fólk fingið staðfesti koronavirusið, og seks eru deyð av Covid-19. 

Í Grønlandi eru bara tveir tilburðir, men har eru heilsumyndugleikarnir júst farnir at kanna nógv fólk fyri koronasmittuna. 

200.000 fólk kring heimin eru smittað við Covid-19, sambært tølunum hjá John Hopkins Universitetinum.