Sethúsaprísirnir í høvuðsstaðnum hækka mest

Beint áðrenn fíggjarkreppan kom í 2008 kostaðu eini sethús í Havn, Hoyvík ella á Argjum 2,3 mió. kr.

Í fjør var prísurin 3,1 millión.

Vøksturin er ikki so stórur aðrastaðni í landinum.

Í stóru bygdunum og í býunum er hann 15 prosent, prísurin er farin úr 1,2 milliónum upp í 1,4 millión.

Í smáu bygdunum er prísurin vaksin 16 prosent. Hann er farin úr einari millión krónum fyri 10-11 árum síðani upp í 1,2 mió. kr.

300 sethús vórðu seld í 2007. Síðani minkaði sølan niður móti helvtini í 2009 og 2010. 

Men sølan vaks aftur og setti met í 2015, tá 398 sethús vórðu seld.

Í fjør vórðu seld 314 sethús.