Arbeiðsleys fáa minni

Tvær tingnevndir, Trivnaðarnevndin og Vinnunevndin, nevna í sínum álitum um lønarískoyti til fólkapensjónistar, at tað er skeivt og óheppið, at arbeiðsleys fáa í mesta lagi 17.500 um mánaðin, og lønarískoytið er 20.000 krónur.

Stýrið á Als hevur viðgjørt hetta, men meiriluti er ikki í stýrinum fyri at hækka gjaldið til tey arbeiðsleysu upp í 20.000 krónur.

Útgjaldsprosentið skal hækka fimm prosent

Eyðfinnur Jacobsen, formaður í Als-stýrinum, sigur, at málið um at hækka útgjaldið til arbeiðsleys er ikki á borðinum hjá stýrinum nú.

Annars kom eitt uppskot í løgtingið fyrst í mars, har Als-stýrið mælir til at hækka gjaldið upp í 18.000 krónur, og útgjaldsprosentið skal hækka úr 75 upp í 80.

Helgi Abrahamsen, landsstýrismaður, eigur uppskotið, sum ikki hevur havt fyrstu viðgerð enn.