Fleiri brot á lógirnar

Brotini á rúsevnislógina, sum blivu avdúkað, vóru stívliga 50 um árið fyri 20 árum síðani. Tey vóru 119 í fjør.

Vápnalógin varð brotin, tað politiið veit um, bara eina ferð í 2010. Í fjør vórðu 45 brot staðfest.

Arbeiðsverndarlógin verður eisini oftari brotin nú. Tey vóru 36 í 2001 og í 2002. Síðani fóru tey niður í tíggju um árið árini 2004 til 2010. Men nú eru tey fleiri, 15 um árið.

Hagstovan hevur eisini tøl um fongslað og varðhaldsfongslað í hesi øldini. Tey vóru millum 100 og 150 um árið fýra tey fyrstu árini eftir aldarskiftið. Men síðani er talið minkað støðugt, og tað var 60 í fjør.