Landið tekur stórt lán

Landsstýrið hevur biðið løgtingið um loyvi til at taka 1,6 milliardir krónur í láni nú. Uppskotið er farið í løgtingið, men tað er ikki lagt fram enn.

1,6 milliard byggir á miðalafturgongdina í búskapinum, sum kann standast av koronu, ein sonevnd U afturgongd, tað er, at búskapurin verður í botni eina tíð, áðrenn hann fer uppaftur.

Tá er roknað við, at landskassahallið í ár verður ein milliard og 500 til 600 milliónir næsta ár.

Landið skal eisini endurfíggja eitt lán í juni. Tað er 1,3 milliardir krónur. Men loyvi er fingið at læna pengar til ta endurfíggingina.