Nógv færri bilar seldir í apríl

Nógv færri bilar vórðu skrásettir í apríl í ár enn í apríl í fjør.

Í apríl í ár vórðu skrásettir 177 nýggir bilar, sigur Akstovan. Teir vóru 352 í apríl í fjør. 

Serliga eru persónbilarnar færri í ár. Teir eru 101 í ár, í apríl í fjør var talið 273.

Fleiri bussar 

Bussarnir eru tó nógv fleiri í apríl í ár. Teir eru 13, meðan teir vóru tveir í apríl í fjør.

Bygdaleiðir hava fingið nýggjar bussar. 

Brúktu innfluttu bilarnir eru fleiri í ár. Men tølini eru tó ikki stór, 23 í apríl í ár og 17 í fjør.

Serliga eru lastbilarnir fleiri í ár. Teir eru níggju. Teir vóru tríggir í apríl í fjør.